الداعي نيوز/ مقالات

نشوف هواي سياسيين تركوا شغلهم الحقيقي وصار شغلهم منشورات وتصريحات على السوشيال ميديا  والقنوات. والمنصات. بدل ما يشتغلون لخدمة الناس وحل مشاكل البلد 
تلكاه صار مثل الناشط أو المدون. كل همه يلمع صورة الحكومة أو الحزب اللي وراه 

انت السياسي مو شغلك تصير مطبل ولا مسوق إعلامي شغلك تمثل الشعب تنقل.  معاناته وتوكف بوجه الخطأ إذا موجود بس اللي ديصير هسه إن بعضهم صارت مصالحه أهم من مصلحة المواطن وصار همه الوحيد يبقى قريب من السلطة حتى تمشي أموره 
المواطن ما محتاج بوستات ولا شعارات المواطن يريد شغل حقيقي يريد قرار ينصفه، يريد خدمات تليق ببلد مثل العراق. أما الكلام والدعاية فهاي ما شبعت جوعان ولا حلّت مشكلة 
السياسة مسؤولية مو منصة للشهرة ولا باب للمصالح والناس صارت تعرف تميز. بين اللي يخدمها وبين اللي بس
يصفط